شلل الوجه

كتبت تغريد نظيف

وسيط اليوم

٢٠٢٢/١٠/٥

يا تري سمعتوا عن حالة اسمها “شلل الوجه”

الاسم العلمى facial palsy

طب تعرفوا ان اغلب الحالات بتكون بسبب حاجة تافهة معظمنا ان ماكانش كلنا بنعملها

ايه هي؟    تيار الهوا

الجو بدأ يبرد و معظمنا بيقف قدام الشباك ومستمتع بسرسوب الهوا اللى بينعش وشه

ومعظمنا و احنا راكبين ف المواصلات بيفتح الشباك 

الحقيقة ان تيار الهوا ده ممكن يسبب التهاب العصب السابع “عصب من الاعصاب المغذية لعضلات الوجه”

فيحصل شلل في الوش و يبدأ نص الوش ينمل و مايبقاش فيه تحكم في حاجات كتير زي ان المريض مش عارف يقفل عينه او يبتسم او يرفع حواجبه

طب نعمل ايه لو اتعرضنا لتيار هوا و حسينا ان وشنا بدأ ينمل او يتقل او عضلات الوش بتتقل؟

بسرعة تبعد عن الهوا و تدفي وشك بأي حاجة طرحة او كوفية و تبدأ تعمل مساج لوشك كدة تدفيه

و في اسرع وقت تكشف عند دكتور مخ واعصاب لو الاعراض طولت

و لو اتشخصت بإلتهاب العصب السابع تروح لدكتور علاج طبيعي من اول يوم عشان الحالة تتلحق في اولها