من علامات نظافه البيت

كتبت تغريد نظيف

وسيط اليوم

٢٠٢٢/١٠/٢٧

ان حمام البيت نضيف باستمرار ومش مجير ..طب ازاى ؟؟

*الحمام النضيف يتنظف ع الاقل مرتين ف الاسبوع يتغسل البانيو و الحوض وقاعده الحمام من بره ومن جوه

*ركزى على جوانب البانيو وتحت الحوض ولمعى الحنفيه

*الحمام النضيف ملوش ريحه لانك بتفتحى الشباك كل يوم قبل النوم علشان يتهوى

*الحمام النضيف مرايته متلمعه 

*الارفف مش مزحومه وعلب الشامبو الفاضيه تترمى اول ب اول 

*الفوط تتغير اول ماتحسى ان ريحتها اتغيرت.. وميزى فوطه الوجه عن فوطه الشعر وعن فوطه الجسم مش كله بفوطه واحد

*الحمام النضيف ادوات نضافته جوه الحمام فى مكان مش باين يعنى تحت الحوض او ف رف مخصوص علشان يكون ف متناول ايدك

*لو فيه حشرات ف الحمام لازم ترشيه وتقفلى الباب والشباك ودايما يتمسح ب ديتول او فينيك او كلور لمنع التجيير

*الحمام دايما يكون متنشف قبل الخروج منه وعلمى اولادك العاده دى

*الشبشب المستعمل ف الحمام متمشيش بيه على سجاد البيت