نصايح تفيدك في مطبخك 

كتبت تغريد نظيف

وسيط اليوم

٢٠٢٢/١١/٤

وانتي بتسوي الاكل سوية علي نار هادية هيفرق جدا معاكي في الطعم يعني بمجرد أنه يغلي هدي النار و غطي الحلة وسيبي الأكل يستوي براحته عالاخر وشوفي طعمه هيبقي ازاي هتاكلي صوابعك وراه……….

خلي بالك وانتي بتحطي البهارات عشان كل اكله وليها بهاراتها المخصوصه مثلا الكمون مينفعش تحطيه مع اللحمه العصاج دائما حطي البهار المناسب للوصفة والكمية المناسبة بدون مبالغة عشان متفقديش الطعم الأصلي و اللذيذ للطبق …

جربي حطي ملعقة صغيرة سكر للملوخية و البسلة و الرز بالبصل هيديها طعم رائع وكمان هيظهر الطعم …… وحطي معلقه كوزبره ناشفه علي الملوخيه

وانتي بتعملي الأرز بالشعرية دايما حطي الشعرية نصف مقدار الأرز عشان تديكي طعم لذيذ زي بتاع المطاعم …….

إدعكي بصل السلطة الخضراء بملح و ليمون وسبيه علي جنب و يترك ولما تيجي تقدميه حطيه مع باقي المكونات لييييية بقي عشان بيكسر حدة طعم البصل و يقضي علي رائحته الغير مستحبة بالفم …..

عايزة السلطة الخضراء بتاعتك تبقي زي بتاعت المطاعم ، ضيفي شرائح بصل ، كزبرة جافة ، ملح ، ليمون ، خل ، كمون ، كزبرة خضراء و بقدونس و شبت بجانب الطماطم و الخيار و أي خضار تاني انتي عيزة تزوديه.

وجيبي كوبايه مايه ساقعه حطي فيها كوزبره ناشفه بابريكا ملح فلفل اسود سبع بهارات حبه صغننه وابشري طماطميه في السلطه ودوقي احلي طبق سلطه 

اوعي تسيبي صلصة الكشري تتسبك كتييير هما مجرد غلوتين للحصول علي القوام المضبوط وبس عشان طعمها ميغيرش…….

بصل الكشري البني قبل ما تحميره حطيه في ملعقة دقيق و نفضي الدقيق الزائد و اقليه لغاية متوصلي للون اللي عيزاه وكده مش هيشرب زيت وهيقرمش……..

وانتي بتسلقي الفراخ والارانب شوحيها الاول في السمن مع شوية من المستكة و الحبهان وورق اللورا و الفلفل الأسمر الحب كويس والبصل والطماطم وبعدين صبي عليها مايه مغليه واعملي احلي شوربة…وياسلام لو تبلتي كل الفراخ اول ماتجبيها ولنا تحتاجيها تحطيها زي ماهي في الميه المغليه وادعيلي ……..

وانتي بتشتري البهارات اشتريها حبوب و نقيها وبعدين اطحنيها و بالنسبة للكزبرة و الكمون حمصيهم الاول علي النار قبل ما تطحنيهم وشوفي فرق الطعم بنفسك وكمان ارخص كتير

اعجني المعجنات و المخبوزات باللبن الرايب و شوفي بقي هيخلي العجينة ازاي هشة و طرية و لذيذة وكلي منها وادعيلي بردة……..

عايزه ستيك اللحم زي المطعم بالظبط تبليه بملح و فلفل بس وميه بصل……..

.