مطبخك مع جريده وسيط اليوم

كتبت تغريد نظيف

وسيط اليوم

٢٠٢٢/١١/٤

1- لما يكون عندك سمك مقلى او مشوى بايت سخنى

الفرن ودخليه هايطلع كانه طازج.

2- لما يكون فى عيش فينو بايت او اى مخبوزات

سخنى الفرن اولا ودخليهم يرجع طازج.

 والعيش

الفينو البايت افتحيه واحشيه جبنة بيضاء ورشة

زعتر خفيفة ودخليه الفرن هايبقى طعمه رائع.

3- كل انواع المحاشى سخنيها فى الفرن.

4- وانتى بتعملى عصير الليمون ضيفى له ملعقة لبن

حليب هايخليه رائع.

 

5- قبل ماتحمرى البصل قلبيه تقلبتين بدون المادة

الدهنية هيخرج الروائح الكريهة اللى فيه.

 

6- وانتى بتعجنى البيتزا ضيفى لها علبة زبادى وحبة

لبن بودر.

 

7- لما تغلى مياه فى حله الالمونيوم حطى نصف

ليمونة الحلة مش هاتسود وتصير مثل الجديدة.

 

8- وانتى بتعملى الفطير ضيفى على كل 2 ك دقيق

ملعقة بينكج بودر وبعد العجن قطعيه واتركيه

على الاقل ساعتين يفرد معاكى بسرعة.

 

9- وانتى بتعملى الكيك انخلى الدقيق جيدا ليدخل له

الهواء.

 

10- وانتى نشرة غسيلك الالوان ماتسيبهوش فى

الشمس لان لونه بيتغير ويبقا كالح

 

11- وانتى بتعملى صلصةالطماطم ضيفى لها معلقة

سكر والملوخية ايضا ضيفى لها معلقة سكر.

 

12- الغسيل الابيض ماتدخلهوش على برنامج السخن

مباشر ضرورى الاول تنقعيه فى ماء بارد

 

13- وانتى بتعملى البسبوسة ضرورى الاول تبسيها

بالسمن وده سر نجاح البسبوسة ومتنسيش في شربات البسبوسة معلقة سمنه وياريت تكون بلدي هتفرق في طعمها

.