أفلام زمان تسوق لآثار مصر…

كتبت تغريد نظيف

وسيط اليوم

4/4/2023

(عودي يا هاميس إلى أخيتاتون)
أشهر جمله من فيلم فيلم عروس النيل هو واحد من سلسلة أفلام في فترة الستينات كان بيتعمل من خلالهم نوع من أنواع التسويق لآثار مصر والتشجيع على السياحة بس من غير ما انت تحس بكدة بشكل مباشر .

يعني إنت بتبقى قاعد فاكر نفسك بتتفرج على سامي مهندس البترول(رشدي اباظة) اللي بتظهرله واحدة من عرائس النيل وهو بس اللي يقدر يشوفها ويسمعها ومن هنا بتحصل المفارقات الكوميدية  لكن الموضوع مش كدة خالص ..

الموضوع إن حضرتك قاعد بتتفرج على آثار مصر في الاقصر وأسوان وبتتعرف على بعض المعلومات التاريخية بس في قالب كوميدي دمه خفيف.
دي ما كانتش التجربة السينمائية الوحيدة اللي اتعمل فيها تسويق للآثار المصرية والتشجيع على السياحة لكن حصل كدة في فيلم غرام في الكرنك والأيدي الناعمة والحقيقة العارية وصراع في الوادي وغيرها كتير …ويقال إنه وقتها الفنادق المصرية كانت full.