قصص القطط متشابهه في كل زمان…

كتبت تغريد نظيف

وسيط اليوم

5/4/2023

الڤيديو المنتشر للقط اللي طالع على كتف إمام المسجد اثناء صلاة
التراويح وسابه زى مهو على كتفه ولم يطرده ولا هزه علشان يقع من على كتفه لا سابه لحد منزل لواحده .

و الڤيديو يجعلك تتذكر واحد من أحد علماء المسلمين إسمه الشيخ ” أحمد الرافعي ” فـ يوم كان نايم ف المسجد فجت قُطه نامت علي كُم جلبيته .. فـ الأذان أذن للصلاه والقُطه نايمه .. وهو خايف يزعجها ويقومها من نومها فعمل تصرف عجيب .. قطع كُم جلبيته اللي نايمه عليه القُطه وقام أتوضي وصلي !! .. ورجع لقي القُطه قامت .. فمسك الكُم اللي قطعه .. وخيطه تاني في جلبيته وقال ” رجعت عبائتي كما كانت ” !! ..

وبمناسبة الڤيديو برضو .. الأمام “بن عثيمين” .. كان ديمًا يقف قدام باب بيته قُطه تستناه وهو خارج علشان يديها أكل .. وفـ يوم مكنش في أكل في بيت الأمام بن عثمين .. فعلشان ميجرحش إحساس القُطه بانه يقطع عادته وميأكلهاش .. لٓف وخرج من الباب الخلفي للبيت بتاعه واستخبي منها . .

– سيدنا أبو هُريره إتسمي أبو هُريره لأنه كان بيحب القُطط جداً وكان عنده ‘ قُطه ‘ وديمًا بتكون في كُم اللبس بتاعه .. علشان كدا سموه أبو هُريره .. يعني كأنها بنته وهو أبوها من حُبه للقط ..اللى بيحب القطط وبيعيش طول عُمره بيحبهم وبيخدمهم مش تافه ولا عبيٕـ.ط دى رحمه والرحمه مش ضعف ولا عيب دى هى أهم حاجه ف الإنسان بتميزه وكفايه إنها من صفات الرحمن

“إنهم من الطوافين عليكم والطوافات”