العندليب وحسن وكواليس الخطايا…

كتبت تغريد نظيف

وسيط اليوم

8/4/2023

فيلم الخطايا
للمخرج الكبير حسن الإمام
وفي أثناء تحضيره للفيلم الخطايا وهو من إنتاج عام ١٩٦٢م فكر وكان واقف قدام مشكلة كبيرة الا وهي مين هيعمل دور شقيق البطل عبد الحليم حافظ في الفيلم ماكانش مقتنع بأغلب الترشيحات لحد ما استقر على ترشيح وجه صاعد اسمه حسن يوسف وعبد الحليم اقتنع جدا رغم إنهم مايعرفوش بعض بس حليم عمل حركة ذكية أوي طلب من حسن الإمام رقم تليفون حسن يوسف واتصل بيه وقاله: إحنا ماينفعش نطلع أخوات في الفيلم اللي كل الناس هتشوفه وإحنا مانعرفش بعض تعالى البيت عندي نقعد ونتكلم.

حسن يوسف ماكدبش خبر وراح للعندليب حسب ما طلب، وقعدوا سوا وبعدها أصر حليم إن حسن مايروحش بيته وإنه هيقعد معاه في البيت طول الشهر اللي فاضل على بداية التصوير، وقاله إحنا جسمنا قد بعض وهتلبس من لبسي وعاش حسن يوسف فعلا مع العندليب طول الشهر واندمجوا مع بعض للدرجة اللي إحنا شوفناه كلنا في الفيلم.