جاك بيرمون ويبستر الثاني والمعروف باسمه المسرحي ترافيس سكوت ‏ خلاص علي ابواب أنه ييجي مصر الأهرامات فى 28 يوليو …

قلم امال عبد الناصر

وسيط اليوم 

11/7/2023

تعالي احكيلك علي حفله من حفلاته
الحفله كانت لمغني الراب ترافيس سكوت ناس كتير تعرفه يعني حد مشهور وسط أوساط الرابر وليه شعبيه محترمه في العالم كله والي جاي خلاص الاسبوع الجاي دا، بس المعروف عن حفلاته أنها حفلات سيئه جدا مخدرات بقي وخمور كتير و بيفتحو فرع لجهنم في حفلاته بس خلينا نسلط الضوء علي حفله واحده بس من وسط كل دا الي اتلقبت بحفله الشيطان أو أن منظم الحفله هوا الشيطان نفسه طب ليه يعم مورنينجستار قالو كدا ؟
مبدأيا كدا الحفله كان تاريخها 5/11/2021 يعني جديده مش قديمه، وبدايه الحاجات الغريبه هوا اعلانات الحفله زي مانتا شايف كدا وش المطرب و بوقه مطلع نار و في أطفل داخله الحفله علي اساس أن دا تصميم للبوابه بتاعتها، بس قالو دا مجرد تصميم عادي اعلان وكدا لكن التصميم دا اتنفذ علي أرض الواقع زي ما انتا شايف برضو في الصور و كانت البوابه بتاعه الحفله علي شكل وشه والمدخل من جوا بوقه برضو، المهم سيبنا من بوق الفنان وخليني اقولك أن الحفله كان تذاكرها خمسين ألف متفرج بس مكان الحفله نفسه مكانش يستوعب الكم دا من البشر خالص، بس الجماهير اقتحمت الحفله واداره الأمن سابت الجماهير تتدافع وتدخل الحفله محاولوش حتي يعملو احتواء للموقف، المهم بدأت الحفله وبعد ربع ساعه في واحد من الجمهور ظهر عليه تشنجات بشكل مستمر والناس الي حواليه قعدت تزعق وتشاور للجهات المنظمه علي المسرح أنهم يوقفو الحفله في إنسان بيموت هنا لكن مفيش اي حد اتحرك، والحفله كملت وفعلا الشاب صاحب التشنجات مات!!
انتا مستوعب الفكره الحفله شغاله وفي جث*ه بني ادم مرميه في الأرض والناس بترقص عادي ؟!
المشكله ان بعدها في حوالي 6 شباب حصلهم نفس اعراض التشنجات الي حصلت للشاب الي لسا متكلمين عليه دا و بعض الجمهور قعد يصرخ في المنظمين عشان يوقفو الموسيقي في ناس بتقع هنا بلا سبب ولا هدف واضح وكلهم نفس الحاله، الجمهور بدأ يصرخ علي المغني نفسه عشان يوقف الحفله و اتصلو بالاسعاف لكن عربيات الاسعاف معرفتش توصل للناس بسبب الجمهور، في ناس منعت عربيه الإسعاف انها تدخل دا طلعو علي العربيه يرقصو عليها بهستيريا غريبه، المطرب شايف كل الي بيحصل دا ومكمل عادي لحد ما الجماهير نصها قعد يشاور ويصرخ ووقف غنا والحفله وقفت حوالي دقيقه او دقيقتين مش اكتر وقالهم شيلو الجث*ه الي في الأرض دي عشان نكمل وفعلا دا الي حصل ومكانش مهتم ب اي حاجه خالص بشكل غريب ومريب انتا مستوعب و الحفله قعدت ساعه كامله كمان بعد كل الي حكيتهولك دا وكان مفيش حاجه حصلت اصلا، المغني سكوت قال حاجه غريبه اوي وقتها وتستحق اننا نفكر فيها قال أنا مش في أيدي اوقف الحفله لو وقفتها حياتي أنا هتقف !!
فاكر الناس الي جالها نفس حاله التشنجات ؟
بعد الحاله دي وصل عدد الوفيا*ت ل 11 بني ادم في وسط الحفله والحفله شغاله و حوالي 100 مصاب بنفس الحاله الغريبه !!
الحفله خصلت وبشكل ما اتمسحت كل الفيديوهات الي صورت الحوادث الي حصلت دي كلها وبعدها في عالم امريكي طلع علي التلفزيون وقال إن بوابات الحفله شبه بوابات الجحيم والجماهير في الحفله وصفتها أنها جزء من الجحيم نفسه، حتي تيشرت الفنان نفسه كان مرسوم عليه ناس بتدخل من بوابه بتطلع لونها احمر !!
وقال كمان أن نوع الموسيقي الي اشتغلت بتحفز الجانب الشيطاني جوا الإنسان وبتشغل العقل الاواعي أنه يعمل اي حاجه تتخيلها ودا سبب اقتحام الجماهير الحفله وسبب حالات التشنجات وبعدها المو*ت