خدت مسكن وشربت الأيام المرة بكاسة مية…

محسن سمير 

وسيط اليوم 

1/10/2023

خدت مسكن …وشربت الأيام المرة بكاسة مية

وبلعت بتنهيدة حزينة وبرشام موصوف

يمكن يقصر طريق الاحزان يبدلها بسكة افراح

‏او يفرش طرقات الروح المهجورة

‏ويزوقها ‏بجميل البوح

‏‏ماهو اصل النوح بيهد ونيم ف الفرشة

‏ أجدعها رجال

‏ولفت للدنيا نظرها مليون مرة

‏شجبتْ ، وثُرت  ، ونددت

‏وطبطبت .. ولا ذكرت ليا معروف

وانا شاربة كاسات قرارات بالذوفة وبالصدفة

وبدفع فواتير عن غلطة وورطة

وحلم اتبدل ف العتمة

من شرعى .. بقى طفل سفاح

وبربّط بحبال الصوف واعقدها

واشد لجل تقوينى وتعدينى

وتخرجنى من حواراتها

اتاريها أضعف من ضعفي

رمتنى على رصيف مكشوف

أضرب اخماسها ف أسداسها

واعيد الحسبة وأفرمتها

فاتوه منى وأعلن أسفي

والناتج … يطلع مغلوط

‏

‏الشاعرة رضا عبد الوهاب