البيتزا الخطيرة ومظبوطه…

 

كتبت/ تغريد نظيف

وسيط اليوم

2022/5/8

 

الكمية لاثنين بيتزا لارج أو ثلاثة بحجم وسط

المقادير/:

٣ كوب دقيق كبير

معلقة صغيرة ملح

معلقة كبيرة ممسوحة سكر

معلقة كبيرة خميرة فورية

معلقه كبيرة مليانة بيكنج بودر

٣ معالق كبيرة زيت

كوب زبادي الحجم العادى

الطريقه/:

نخلط المكونات الجافة الاول كلها كويس جدا

 عشان نوزع مواد الرفع

نضيف الزبادى والزيت ونعجن بمية أو بمية

 مخلوطة بحليب….
السوائل مالهاش مقدار محدد

هنضيف شوية بشوية لغاية مانحصل على عجينة

 ناعمة ومطاطية ومش بتلزق فى الايد

نبل إيدينا زيت ونغلفها من بره و نغطيها كويس

 عشان ماتعملش قشرة ونسيبها تخمر وقت مناسب ( ٤٥ دقيقة)

وبعد ما تخمر نقسمها كور على العدد اللى هنعمله

 من البيتزا ونسيبها ترتاح ١٠ دقايق تانى عشان

 تبقى سهلة معانا في الفرد

ثم نبتدى نفردها على رشة دقيق ولو كان دقيق

 (بتاع البسبوسة) يبقى أفضل

نرصها فى الصوانى ونخرمها بالشوكة ونضيف

 الصلصة والمكونات وندخلها الفرن على الشبكة فى

 النص

لازم الفرن يكون سخن من قبلها بحوالى ربع ساعة

 على درجة حرارة ٢٢٠ بتاخد تلت ساعة تقريباً