انواع القهوة بالتفصيل 

كتبت تغريد نظيف

وسيط اليوم

٢٠٢٢/١٠/٢٧

القهوة 

1- السرياقوسي : 

القهوة السرياقوسي بتبقى عبارة عن 3 ملاعق سكر لكل ملعقة بن 

( 3 سكر : 1 بن ) ،

مبدئيا معظم عشاقها بيبقوا غالباً من محدثين القهوة او من النوع اللي بيشربها كل فين و فين ..

قهوة تفضلها النساء في المجمل .

 

2- الزيادة : 

القهوة الزيادة بتبقى 2 ملعقة سكر لكل ملعقة بن 

( 2 سكر : 1 بن ) ،

دايماً بتكون هي المدخل اللي بتتسحب فيه نحو عالم إدمان القهوة اللذيذ ؛ لأنها قهوة سكرها الزيادة بيكسر طعم البن المر اللي لسه كمبتدئ متعودتش عليه ..

في ناس بتستمر في تناول القهوة الزيادة .. كييفة الزيادة ناس في الأغلب بيهتموا بالمظهر على عكس الجوهر .. ناس مقضينها For Fun و بيحبوا يعيشوا التجربة من السطح بدون التطرق للأعماق و بيقفشوا جدا لو القهوة جاتلهم ناقصة سكر و ده يدل على خوفهم من كل ما هو مظبوط ..

 

3- المانو : 

القهوة المانو هي الوسط بين المظبوط و الزيادة .. بتبقى ملعقة و نص سكر لكل ملعقة بن 

( 1.5 سكر : 1 بن ) ،

المانو غالباً بيتم اللجوء لها في حالة انك بتكون زهقت من الزيادة و عايز تنقل للمظبوط و بتتعود تدريجياً على تقليل السكر .. 

المانو مرحلة انتقالية مينفعش تقف عندها كتير لانها ملهاش توظيف دقيق في علم القهوة و الأمزجة !!

4- المظبوط : 

القهوة المظبوطة بتبقى واحد على واحد 

( 1 سكر : 1 بن ) ،

قهوة متكافئة تماماً .. قهوتك المظبوطة تدل على شخصيتك المتزنة العادلة اللي مبتحبش حاجة تيجي على حساب حاجة .. استمتاعك بكمية البن بكمية سكر متوازنة بيخلق جو من السعادة المفرطة التي لا تنتهي سوى مع آخر رشفة من الكوب .. بإختصار كييف القهوة انسان برنسسسس في نفسة لأقصى درجة 

5- ع الريحة : 

مبدئيا ، طالما وصلت للمرحلة دي يبقى انت مدمن عشق ادمانه و قررت تعلي ال Dose لأنك مبقتش تتكييف زي الأول ..

( 0.5 سكر : 1 بن ) ..

مع السكر اللي بينخفض تدريجياً و طغيان طعم البن في لحن امام قهوة صنعت من أجل 

ال professional only 

عشان مستحيل تلاقي مبتدأين بيشربوا القهوة ع الريحة .. 

فية قاعدة عامة بتقول ؛ 

كلما قلت نسبة السكر بالنسبة للبن ..

زادت درجة جمدانك و برنستك و مزاجك