مش كنا عملنا مصانع بدل شوية الكبارى واكبر جامع واكبر كنيسة

لواء مهندس :سيد نوار 

وسيط اليوم 

8/2/2023

مش كنا عملنا مصانع بدل شويه الكباري
واكبر جامع واكبر كنيسه !!
بوست طويل شويه ..بس احتمال يعطيك زاويه معرفش ليه محدش بيشرحها الحقيقه !!

في الجيزه بالقرب من مركز اطفيح
وعلي 109 مليون متر مربع
مدينه طربول الصناعية
التي لقبتها وكاله رويترز بقلعه الصناعه العالميه الجديده
وصنفتها المؤسسات الاقتصادية الدوليه ضمن اكبر 20 مشروع يتم انشاؤهم في العالم .. …تبني في مصر ..وانها اكبر مشاريع رؤيه 2030 تستهدف به مصر توطين الصناعات العالميه بها ..

قبله المستثمرين العرب والاجانب والذين اطلقوا عليها ارض الاحلام ..اكبر مدينه صناعيه انتاجيه في الشرق ..مش حتلاقي نفسك سمعت عنها كتييير ..لأن الحمله التسويقية ليها كانت خارج مصر

بمجرد الاعلان فقط عن المرحلة الاولي من طربول ..ارتفع سعر المتر من من ٥٠٠ جنيه الي ١٥ الف جنيه للمتر الواحد .. وقدرت تجذب في اول مرحله بس استثمارات ب ٣ مليار دولار استثمارات مباشره ..غير الشراكات المحليه والدوليه
والشركات العالميه الكبري التي تعاقدت بالفعل ١٢ شركه اجنبيه في تبني مصانعها فعليا الآن ..في قطاعات الكيماويات والصناعات الاستراتيجية والهندسية والتصنيع الغذائي ..بخلاف قائمه طويله من اكبر الشركات التي تقدمت بطلبات تتم دراستها

* الموقع بين القاهره والجيزة والصعيد والدلتا ( بالقرب من العماله والصناعات الصغيره المغذيه والورش وغيره )
وبين مدن حلوان والكريمات والزعفرانه والصف ..ومحاطه بشبكه عملاقه تم انشاؤها من الطرق والكباري( غريبه جدا …مع ان عماد مأكد لي ان الطرق والكباري دي ملهاش لازمه !) وقريبه من موانئ الشحن البحري الرئيسيه ( اللي اتطورت وجهزت كلها ). ..الاسكندرية ودمياط والسخنه وموانئ البحر الاحمر
* وقريبه من مصادر المواد الخام مثل شق الثعبان ومحاجر الطفله والرمال والزلط والحجر الجيري ومصانع اسمنت حلوان وغيرها

* تم تجهيز الطاقه الكهربائية اللازمه للمدينه من محطه الطاقه الكهربائية بالكريمات (مع اننا مش عارفين فلوس القروض راحت فين)

* المدينه تستهدف بناء وتشغيل ١٣ الف مصنع وشركه لصناعات مختلفه تم تقسيم المدينه الي قطاعات محدده لكل صناعه او نشاط .( ١٢ قطاع رئيسي )

* المدينه مقسمه ل١٢ منطقه صناعيه رئيسيه لانشطه محدده لتضمً كل منطقه المصانع العامله بنفس النشاط ..وبشكل رئيسي تم تحديد مناطق للصناعات الغذائية لصناعات الرخام والبلاستيك والمنسوجات والملابس الجاهزه ومواد البناء كالاسمنت والحديد والجبس والدهانات
والصناعات الطبيه والادوات الهندسية الخفيفة وصناعات الالكترونيات والبرمجيات وغيرها

* مدينه طربول منطقه حره سيصدر لها قانون صناعي واستثماري خاص ..بحوافز استثماريه واعفاءات ضريبيه وجمركية لكل المصانع التي ستقوم بتصدير منتجاتها …علي انشطتها وعلي المواد الخام المستوردة لمستلزمات الانتاج لتكون اكبر منطقه صناعيه حره في المنطقه .

* الهدف المعلن لمصر من مدينه طربول هو استقطاب ( 100مليار دولار ) للاستثمارالصناعي والتصدير

* شريف حموده رئيس مجلس ادارة شركه GV المنفذه للمشروع
صرح رويترز بان المرحلة الاولي الحاليه هي انشاء ٣٥٠ مصنع واستقطبت المرحله بالفعل استثمارات قدرها ٣.٥ مليار دولار

* مصرً متعاقده مع شركه فرنسيه للتسويق لمدينه طربول ..ودي اللي قدرت تجيب تعاقدات بال ٣.٥ مليار بورو حتي الآن في مجال واحد فقط و هو الصناعات الهندسيه

* المدينه توفر اكثر من مليون فرصه عمل مباشره ..بخلاف فرص العمل للمصانع والشركات والورش المغذيه
بخلاف فرص العمل الغير مباشره كقطاع النقل وغيره

* المدينه صممت وتم تسجيلها في كافه المؤسسات العلميه للصناعه في العالم كأول مدينه صناعيه تعمل بالذكاء الاصطناعي من مدن الجيل الرابع في الشرق الاوسط…ومن اوائل المدن الصناعية الصديقه للبيئه في العالم …حيث تسعي مصر لتعمل المدينه بمصادر الطاقه الخضراء المتجددة والنظيفه كالهيدروجين الاخضر والطاقه الشمسيه

* القانون سيفرض علي المصانع اعتماد نظم لسياسة اعاده تدوير المخلفات ..مع انشاء منطقه صناعيه متخصصه داخل المدينه لتصنيع وانتاج منتجات تدوير المخلفات
* القانون سيلزم الشركات والمصانع بانشاء مراكز لتدريب العماله ومدارس فنيه لكافه الصناعات للاستثمار في الموارد البشريه

* شركه GV التي تقوم بالانشاءات تعاقدت مع مستثمر محلي علي انشاء مدينه تضم جامعه ومدارس للتعليم الفني علي مساحه ٢٠٠ الف متر مربع

* المدينه ستشمل مدينه سكنيه كامله للعاملين بكافه انشطتها الاجتماعية والرياضيه والتعليمية والترفيهية وغيرها …بالاضافه لفنادق اربعه نجوم لاستخدام الخبراء وغيره

* علي نص السنه ان شاءالله (يونيو ٢٠٢٣ ) ستعلن مصر عن وصول أستثمارات طربول الاجنبيه التي تم التعاقد عليها فقط ( من الخارج) الي 75 مليار يورو

يعني مصر
وهي بتبني اكبر مدينه دوائيه في العالم ..واكبر مصنع غزل ونسيج في العالم وبتطور مصانع الغزل في كفر الدوار والدلتا والاسكندرية ومصنعي ٤&٦ في المحله …وتبني وبتفتح مصنع النسيج المستطيل ومصنع الغزل الرفيع..و مصنعين للصباغة والطباعة ..و مصنع التريكو الدائري بالمدينة الصناعية بالروبيكي…وغيره وغيره

—ووهي بتبني مصنعي نسييل الغاز الطبيعي في ادكو ودمياط …وبتفتح مصنع BMW بطاقه 10 آلآف سياره في السنه ..وبتفتح مصنع اطارات بطاقه 10 الاف قطعه في اليوم ..وبتبني ٣ مصانع للرقائق الالكترونية مع سويسرا والصين ..وبتفتح مصانع للرمال السوداء ووبتفتح اكبر مجمع صناعي للنترات والبيتروكيماويات في الشرق الاوسط وغيره وغيره

—وًهي بتعمل توطين لصناعات السلاح ..وبتعمل مصنع لطائرات مقاتله مع كوريا …ومصنع تجميع الدبابات الامريكيه ابرامز …ومصنع طائرات مسيره متقدمه جدا ..
ووهي بتعمل مصنع ٣٠٠ الحربي بشركة أبو زعبل للصناعات المتخصصة وً مصنع إنتاج ذخائر الأسلحة الصغيرة
ومصنع إنتاج المفجرات
ومصنع تشكيل أجزاء معدنية للذخيرة المتوسطة
ومصنع إنتاج ذخائر الأسلحة الصغيرة..وغيره وغيره

—ووهي بتبني مصنع إنتاج ألواح الطاقة الشمسية بشركة “بنها” للصناعات الإلكترونية و مصنع إنتاج ألواح الطاقة الشمسية بشركة “بنها” للصناعات الإلكترونية و مصنع الجلفنة على الساخن بشركة “حلوان” للآلات والمعدات…وغيره وغيره

يعني مصر وهي بتبني كل المصانع دي
كانت بتبني مدينه طربول ؟
ب ١٣ الف مصنع وشركه ؟!!
التي لقبتها وكاله رويترز بقلعه الصناعه العالميه الجديده
وصنفتها المؤسسات الاقتصادية الدوليه ضمن اكبر 20 مشروع يتم انشاؤهم في العالم ؟؟!!!

كانت بتجهز ببناء البنيه التحتيه اللازمه ..وبتجهز بقالها سنين للاستثمار في الصناعه والمناطق الصناعية الكبري ..وكانت بتبني لها البنيه التحتيه اللازمه ..من شبكه طرق وكباري وموانئ وكهرباءوطاقه ؟!!

غريبه جدا
مع ان عماد مأكد لي ان مصر اهملت الصناعه ومعملتش غير اكبر ساري واكبر جامع واكبر كنيسه ..
واننا لو كنا اهتمينا بالصناعة من سنين بدل المدن والطرق والكباري …كان بقا حالنا غير دلوقتي خاااالص