ولاد الناس …. !!!

بقلم/ نيفين إبراهيم

وسيط اليوم

12/11/2023

لمن لا يعرف من هم ولاد الناس …
ولاد الناس هم ولاد الأصول
ولاد الناس يا بشر .. دي ناس نضيفه أوي.. نضفتها من جوه بتظهر برا مش بالفلوس خالص
ولاد الناس هيعاملوك بنضافه ورقي حتي لو مش عاوزين منك حاجه
هيعاملوك حلو جدا حتي أن كانوا من درجه عاليه
زي ما القرءان قال
” ورفعنا بعضكم فوق بعض درجات “
هتحس معاهم إنك من نفس درجاتهم نفس المستوي لأنهم ناس متربيه على الأصول ناس عارفين كويس معني كلمة ” جبر الخواطر “ولاد الناس مش هيفرق معاهم ماركة عربيتك ولا هدومك ولا حتي عندك إيه
هيعاملوك حلو لشخصك ولأخلاقك معاهم
ولاد الناس .. هيفترضوا إنك كويس وهيعاملوك بالإفتراض دا وإن ثبت العكس هيبعدوا مش هيعرفوا يبقوا حاجه تانيه
ولاد الناس .. بيتصدموا في ناس كتير بس ميعرفوش يئذوا
ولاد الناس .. هيلتمسولك أعذار .. ويدوك فرص كتيره لأنهم مش بيخسروا الناس بسهوله
ولاد الناس .. في لحظة صدمة ممكن يفقدوا الأمل فيك … بس مش هيقدروا يخلوك تفقد الأمل فيهم .. وفي عز زعلهم منك ولجأتلهم هيخدوا بايدك لبر الأمان
ولاد الناس في عصرنا دا بقي أسمهم ” السذج ، الهبل ”
دا إسمهم في وسط زمن كله خداع ومظاهر كدابه
دا لأنهم عندهم سلام نفسي وأمل وحسن ظن بالله إن الخير موجود دايما في كل العصور وأنه اكيد هيغلب أي شر داخل النفوس المريضه
ولاد الناس بقوا عمله نادره اوي عشان كده اللي يلاقيهم يحافظ عليهم لأنهم غاليين
عن ولاد الناس اتحدث