متابعة خالد علم
مولد النبي يعنى حلاوة مولد النبي وهنا هتيجي شوية أسئلة بنتسأل عاليها كل سنه زي ..
انا عندى السكر ينفع ااكل حلاوة المولد
اول حاجة هقولهالك ان حلاوة المولد تعتبر من أكتر الحلويات خطورة على الصحة وخاصة لو كنت مريض سكر ..😢😢
ليه هي خطيرة
اه طبعاً عشان بتحتوي على نسبة عاليه من السكر المركز وصناعتها بتعتمد على سكر الجلوكوز وهي من أهم أسباب اضطراب مستوى السكر وبالتالي تناولها هيؤدي الى إرتفاع مستوى السكر في الدم 🥵🥵
يعنى مينفعش خاااالص
لا ينفع بس في طريقيتن ملهمش تالت
الحل الاول
وهو انه يفضل تذوقها فقط يعني واحدة في اليوم مش أكتر وطبعاً يفضل تناول –الفولية أو –الحمصية أو أقراص_اللوز أو البندق المهم القطعة لا تتخطى الــ 30 جرام
الحل التاني
انك هتستبدل حلوى المولد المصنعة بتناول مكسرات مع وضع جوز الهند وبديل السكر وده صحي ومش بيسبب إرتفاع في السكر زي الحلوى المصنعة
طب لو اكلت اعمل حاجة بعدها يا دكتور ؟؟
لو أكلت يفضل يكون في فترة الصباح فقط وكمان هتشرب كمية معقولة من المياة إن أمكن وتلتزم في تناول الأدوية في مواعيدها ويا سلام لو شاي أخضر عشان هيساعد على هضم السكريات
وكل سنة وانتم طيبين وكُلها بشويش
المزيد من الموضوعات
تعرف على الأعراض وطرق الإصابة والوقاية من حمى الضنك
الهواتف الذكية وتأثيرها على درجات الطلاب
فوائد أشعة الشمس لجسم الانسان