نــخــل طــارح
========

بقلم / امل صيدم

وسيط اليوم 

23/7/2023

قصيده اهديها لكل ناجح تعرض للغيره والكره والقذف من غيره من الفاشلين
.لما تتحدف بطوب
تبقا طبعاً نخل طارح
ياما حتقابل قلوب
حاقده على كل اللي ناجح
شئ طبيعي انه النجاح
تدفع له مية ضريبه
سكة اللي يعلا فوق
منطقه جداً صعيبه
واللي عاوز يلحقك
بس مش قادر عليك
شئ طبيعي يشتمك
لأجل ما تشوفه عنيك
أصله قزم
طب ياريته يبقا قزم
ياما أقزام في زمانا
بس في الأفعال عمالقه
دا يدوب فرخ الغراب
علموه أهله السباب
اوعا تزعل م اللي كارهك
عادي كمل سكتك
اللي عايز يبقا نجمه
عمره ما تهزه السدوم
واللي حابب يبقا شمس
يعلا فوق كل الغيوم
أصل طول ما النخل طارح
عادي يتحدف بطوب
اشتموني كل يوم … .
خلصوا كل الذنوب
ريحي أقوى من رياحكم ….
فعلي هو اللي ينوب
=============