……..(القناعه)…….

الشاعر / عبد لله السايح 

وسيط اليوم 

26/7/2023

لو ملكت ملك الكون
أوماملكتش حتى العون
إحمد ربك واشكر نعمه
واصبر وانظر إيه هيكون
لومعاك هيذيدك تاني
وان مامعكش عيش فى سكون
تلقى الحال إتعدل تاني
تلقى ربك مد العون
وان طال الصبر سنين
تبقى حياتك أخدت لون
بس اللون اللي يريحها
يعني حياتك كدا فى سكون
فاهم والا’ نفسرتاني
وبكلمتنا نغطي اللون
هنفسرها ونوضحها
ونقول والله دا المكتوب
أصل المثل البلدي بتعنا
قال بالمعنى والمطلوب
اللي تشوفه العين ياابني
على الجبين مكتوب
لو مكتوب لك تاكل بمبار
أو مكتوب لك أكل خيار
أحمد ربك واشكر نعمه
وبطل بص فى المنظار
واخضع ديما للمكتوب
واوعى تقول ع البص دا قار
عمر البص مايعوضش
يمكن يهدم ألف جدار
وان كان غيرك أحسن منك
تلعن نفسك والمشوار
وتقول إحنا مش عايشين
والله حياتنا قمارفى قمار
وتلقى الحقد إتولد عندك
وتلقى الحسد فى قلبك دار
يعني خسرت دنيا وٱخره
لجبت المال وﻻ الأعذار
يبقى الأحسن تشكرربك
على أفضاله
وبطل ياابني تحط
العقده فى المنشار
واياك تلعب تاني بديلك
ماهتعرفش تطفي النار
وتعيش كل حياتك ساخط
الأيام كلتها. حصار