الشاعر خالد الكردي يكتب
سهل أنسي
….
لما خدني شوقي ليكي
لما وحشتني عينيكي
والدفا بلمسة ايديكي
قولت اغفرلك واسامحك
خدت روحي من جروحي
وجيت اعاتبك
كنت فاكر
اني ليا غلاوة عندك
جيت لعندك رغم انك
لماحسيتي اني عاوزك
قولتي اسفة ومش هاصالح
يلي بعدك عني جارح
كنت باطمع
اني اعيش الحب تاني
كنت فاكر
اني بعد سنين طويلة
وعشرة بينا
ننس اي خلاف مابينا
والزعل يمشي ف ثواني
ايوة كنت صحيح أناني
في حبي ليكي
وكنت باجي كتير عليكي
وانتي عمرك مااشتكيتي
من غيابي وليه عذابي
كل ده علشان بحبك
وأن بعدي غصب عني
افتكرتي ده ضعف مني
اني هاتحمل اساكي
وابقي كومبارس ف هواكي
وان سهل عليا يعني
اشتري وقلبك يبعني
لا باقولها باعلي صوت
لو هيبقي الهجر موت
سهل جدا اني ابعد
وانسي حبي كمان معاكي
المزيد من الموضوعات
رحلة الإبحار في الأعماق…
نور عيني .! بقلم .. نيڤين إبراهيم
نقف فوق الأطلال وأقدامنا بين الركام وننثر كلمات تخرج من عمق القلب بالأحزان وبغصه في الحلق بحرقان لكي نوصل ما يشعر به الطفل الفلسطيني…