مِتغيره ملامحها..

كتب/ فخرى سعيد

وسيط اليوم

25/2/2023

مِتغيره ملامحها وصوتها هادي

وردة تايهه في قلب وادي
يومها ثابت ملامحه غامضه
نهار يومها شكله باهت
أصناف الاكل كتير وحامضه
طعم ولونه كله واحد
قلبي متقطع ديما عشانها
بس قدامها لازم أبقي ثابت
هيا أمي وقت ضيقتي
أختي اللي فيها بناكش
بنتي لما أجوع حنين
حبيبتي لما أبقا عاشق
ورده في بستان كله شوك
كل ذنبها فيه طرحت
كل ما مع الشمس تميل
تجرحها شوكه جرح واجع
كل اللي حواليها حياته عايش
وهيا في وجعها لحياة الكل عايشه
إتعودوا منها ديما بتدي
محدش فكر بيوم يديها
قريبه من هموم الكل
وفي همها محدش قرب عليها

بس شوفي.. بس شوفي

ولا هبقى همك ولا المهموم فيكي
لكن هبقا سندك ومش هتميل الدنيا بيكي
ولو بيوم مالت كتفي سندك
حضني مفتوح ديما ليكي
آيه إنتي و إنتي آيه
قلب نابض
حب ثابت
روح في روحي بحن ليها