وسيط اليوم

جريدة الكترونية عربية

كل سنه وانتي طيبه يأمي

كل سنه وانتي طيبه يأمي

كتب فخرى سعيد

وسيط اليوم

26/3/2023

الكل عن الأم بيحكي
بس أنا لو هحكي
هكتب لسنين قدام
واحد متكتف شغلاه الأيام
واحد متغرب وعنيه ما بتنام
كل سنه وإنتي طيبه يأمي
يانبض القلب وسنين عمري
بَعِد الغربه يوم ورا يوم
عشان أرجع وتلتقي العيون
بيكون الأمر عادي
بس صدقيني برتاح لما أشوفك قصادي
ونتخانق ونتصالح
كبرت يأمي وبقيت راجل
ديما شيفاني طفل وبيعاني
ديما بنصايحك شغلاني
ولما بمره أتأفف كنتي تهوني الأمر
وتغيري الموضوع لشيء تاني
صعبان عليكي أمري
شيفاني لسه بحابي
كبرت يأمي وكبرت أيامي
بقا الهم من همي بيزحف قدامي
بصي يأمي لمرايتك
شايفه الشعر الأبيض
هو دا اللي راجل خلاني

كنت بشوف عصبيتك عليا امر مشين
كبرت يأمي وشفت من الغربه كل مهين
ياعالم العيون في يوم تتلاقي
ولا مين يودع مين
عن نفسي لو خيروني لدا اليوم
هختارني ماهو من بعدك لهمي مين هيشيل
صعبانه الخطي عليا بس بخطيها
واللي إتكتبت عليه خطاه هيمشيها
طريق بلا راجعه
بتتغير ملامحنا فيه
وعشان نفكر نرجع
بتبقي ذكرياتنا القادره فيه تعيد وتزيد
ملامحنا مبقتش نفس وجوهنا
ياما الحزن غير وجوه كتير
قدر ومكتوب ومصيرنا هيبقا فيه نفس المصير
غربة الايام لها تمنها
وغربتك إنتي حسابها غالي
أمك ثم أمك ثم أمك
وصية نبي ورب عالي

Follow by Email
Instagram
Telegram
WhatsApp
× اتصل الآن