مفهمتهوش

بقلم / خالد الكردى 

وسيط اليوم 

24/7/2023
….
مافهمتهوش
لحظة ماقرب مني اكتر م الطبيعي
لحظة ماقالي كلام
فقولت لاء ده مش طبيعي
حتي السلام بالايد
لقيت له طعم تاني
زي اللي كان
عاوز يقولي
انتي جيتي الكون عشاني
مااعرفش انه لما كان
بيبص لي
وعيونه مليانه بدموع
ده كان وداع
احساس غريب كان وقتها مفهمتهوش
كان حد تاني
كاني انا معرفتهوش
ازاي مخدتش بالي انا
م اللحظة ديا
من شوقه ليا ولهفته
وخوفه عليا
ازاي يصدق
لما روحت وقولت له
مابحبهوش